ကမ္ဘာ့တင်းနစ်အဆင့် (၂)ဖြစ်တဲ့ ရာဖယ် နာဒယ်ကို စပိန်သားပြိုင်ဖက် ဂျုအန် ကားလို့စ် ဖာရာရိုက အိုဟိုင်းအိုး Cincinnati Masters ပြိုင်ပွဲ ကွာတားဖိုင်နယ်အဆင့်မှာ (၇- ၆)၊ (၇- ၆)နဲ့ အနိုင်ယူခဲ့ပါတယ်။

ဖာရာရိုဟာ ယခင်တွေ့ဆုံခဲ့ဖူးတဲ့ (၄)ကြိမ်စလုံးမှာ နာဒယ်ကို တစ်ခါမှ မနိုင်ဖူးခဲ့ပါဘူး။ အခုလို ကွာတားဖိုင်နယ်မှာ အနိုင်ရလိုက်တဲ့အတွက် ဖာရာရိုဟာ ဆီမီးဖိုင်နယ်မှာ ကမ္ဘာ့အဆင့် (၇)ဖြစ်တဲံ ခရိုအေးရှားက အီဗန် လူဘစ်စစ်ကို (၇- ၆)၊ (၆- ၂)နဲ့ အနိုင်ယူလိုက်တဲ့ တိုမီ ရိုဘီဒိုနဲ့ တွေ့ဆုံရမှာ ဖြစ်ပါတယ်။

ပွဲအပြီးမှာ ကမ္ဘာ့အဆင့် (၂)ဖြစ်တဲ့ နာဒယ်က ``သေချာတာ တစ်ခုကတော့ ကျနော်သက် တမ်းတလျောက်မှာ ဒီပွဲလောက် ကောင်းကောင်းမကစားနိုင်ခဲ့တဲ့ ပွဲမရှိပါဘူး။ ဒါပေမယ့် ဒီပွဲမှာ ကျနော်လက်ရည်က သိပ်အဆိုးကြီးတဲ့ မဟုတ်ခဲ့ပါဘူး။´´ လို့ ပြောဆိုခဲ့ပါတယ်။

၂၀၀၃မှာ ကမ္ဘာ့အဆင့် (၁)ဖြစ်ခဲ့ဖူးတဲ့ ဖာရာရိုက ``ဒီအနိုင်ပွဲဟာ ကျနော်အတွက်တော့ အထူးပွဲပါပဲ။ အကြောင်းကတော့ နာဒယ်ဟာ ကမ္ဘာ့အကောင်းဆုံး တင်းနစ်ကစား သမား တွေထဲက တစ်ယောက်ဖြစ်လို့ပါ။´´ ပြောဆိုခဲ့ပါတယ်။

လက်ရှိ ကမ္ဘာ့အဆင့် (၃၁)ဖြစ်တဲ့ ဖာရာရိုက ``ကျနော် ဒီပြိုင်ပွဲလို ပွဲစဉ်တွေ အများကြီး ကစားနိုင်မယ်လို့ ထင်ပါတယ်။ လာမယ့် US Open မှာလည်း အကောင်းဆုံးကစားနိုင်မယ်လို့ မျှော်လင့်ပါတယ်။´´ လို့ ထပ်ပြောခဲ့ပါတယ်။

အခြားကွာတားဖိုင်နယ်ပွဲစဉ်တစ်ခုမှာတော့ ကမ္ဘာ့အဆင့် နံပါတ်တစ်ဖြစ်တဲ့ ရော်ဂျာ ဖာဒါရာကို ဒုတိအဆင့်မှာ အနိုင်ယူ ခဲ့တဲ့ ဗြိတိန်သား အင်ဒရုး မာရေးကတော့ အမေရိကန်က အင်ဒီ ရော့ဒစ်ကို ကွာတားဖိုင်နယ်မှာ ရူံးနိမ့်ခဲ့ပါတယ်။

ကမ္ဘာ့အဆင့် (၂) နာဒယ်ကို အနိုင်ယူအပြီးမှာ အောင်ပွဲခံနေတဲ့ ဖာရာရို